القطر
كنت قاعد في القطر ومرتاح بس استغربت لما لقيت حد بيوفقني وبيقولي اني قاعد على الكرسي بتاعه . قولتله اني حاجز ووريته التذكرة بتاعتي . نفس العربيه ونفس الكرسي . بس الاختلاف الوحيد هو ان التذكرة دي بتاعت "بُكره" مش "النهارده" . اكتشفت إن اللي قطعلي التذكره كان قطعهالي بتاريخ " بُكره ".التذكرة هتضمنلي اقعدوارتاح بس" بُكره " مش " النهارده ".وساعتها ماستغربتش اني النهارده واقف تعبان وناس كتير قاعده ومرتاحه لأنهم لما قطعوا قطعوا تذكرة النهارده بس انا تذكرتي " بُكره
افتكرت في نفس الوقت ان معايا تذكره تاني وبرضه حطاني في نفس المشكله . بستغرب ازاي مؤمنين كتير في حياتهم تعبانين وازاي مُضطهدين ومش مرتاحين مكتئبين متحيرين وناس قديسين مرضى و بيموتوا . مكنتش عارف ليه دا بيحصل . بس حل المشكلة دي هو اننا معانا تذكره تخلينا مرتاحين مبسوطين فرحانين, بس التذكره دي بتاعت " بكره " مش "النهارده" . يمكن يكون في ألم في حياتنا ومشاكل وضيق ومرض . مش مشكله "النهارده" بس المهم تذكرة بُكره ( الأبدية ) . الله ماوعدناش بحياة مريحة "النهارده" قال هيكون في ضيق . متستغربش من الألم ومن الضيق ومتتحيرش . التذكره اللي معاك حقيقية وبتضمن راحة وسعادة وحياة ابدية . بس دي تذكرة بُكره .ودا اللي قاله الرسول بولس في 2كو 4 "مكتئبين في كل شيء لكن غير متضايقين متحيرين لكن غير يائسين. مضطهدين لكن غير متروكين مطروحين لكن غير هالكين ". آلام قطر النهارده وقتيه مسيرها تنتهي , متجيش حاجه قدام المجد الابديبتاع بُكره . حقك تتكتئب لكن غير متضايق في حاجات في الحياة محيرانا بس اوعى تيأس , شئ اكيد هتضطهد بس دا مش معناه انك متروك
بشكرك يارب على تذكرة " بُكره" اللي ضمنت الأبدية.ادينا قوة نستحمل ألم وحزن وحيرة واضطهاد " النهارده ".عزانا الوحيد ان كنيستك المتألمة "النهاردة" هتفرح بيك "بُكره" لما تلتقيك
